Номер 51, страница 26, часть 1 - гдз по белорусскому языку 2 класс учебник Свірыдзенка

51. Разгледзьце малюнак. Прачытайце назву тэксту. Як вы думаеце, пра якую сустрэчу пойдзе ў ім размова? Паслухайце тэкст.

Прыемная сустрэча

Юрачка з татам збіралі ў лесе грыбы. Хлопчык абыходзіў кожнае дрэва, заглядваў пад кожны куст. Пад старой елкай ён убачыў нешта дзіўнае.

Некалькі сухіх лісткоў рухаліся яму насустрач, як жывыя. Юра спачатку здзівіўся, а потым заўважыў пад лісткамі вожыка.

Хлопчык захацеў пачаставаць звярка. Ён працягнуў яму спачатку баравічок, а потым сухі лісток. Аднак вожык згарнуўся ў клубочак.

Падышоў тата. Ён расказаў сыну, што вожыкі ядуць насякомых і слімакоў. Сухія лісткі дрэў, якія накалоліся на іголкі, яны пераносяць у сваё гняздо.

Дзе Юрачка сустрэў вожыка? Чаму хлопчык не адразу заўважыў пад елкай звярка? Чаму вожык не еў пачастункі, якія прапанаваў яму Юрачка?

Падбярыце з тэксту сказы да малюнка.

Знайдзіце і прачытайце словы, у якіх вымаўляецца гук [ч].

РМ Прачытайце тэкст. Вусна перакажыце яго па пытаннях. Выкарыстайце словы ў дужках.

1. Што рабілі ў лесе Юрачка з татам? (Грыбы, хлопчык, заглядваў, убачыў.)

2. Што здзівіла хлопчыка? (Некалькі, рухаліся, насустрач, здзівіўся, заўважыў, вожыка.)

3. Чым Юра захацеў пачаставаць вожыка? (Баравічком, сухім лістком.)

4. Што расказаў тата хлопчыку? (Ядуць насякомых, слімакоў, сухія лісткі, у гняздо.)

1. Юрачка з татам збіралі ў лесе грыбы.

2. Хлопчыка здзівіла тое, што некалькі сухіх лісткоў рухаліся яму насустрач, як жывыя.

3. Юра захацеў пачаставаць вожыка спачатку баравічком, а потым сухім лістком.

4. Тата расказаў хлопчыку, што вожыкі ядуць насякомых і слімакоў, а сухія лісткі, якія накалоліся на іголкі, яны пераносяць у сваё гняздо.