Номер 65, страница 40, часть 1 - гдз по белорусскому языку 3 класс учебник Свірыдзенка

65. Прачытайце тэкст. Якую добрую справу зрабілі дзеці? Як гэта характарызуе іх?

Дашына аб'ява

Да брамкі нашага двара колькі дзён запар падыходзіў чорны-чорны, высокі і прыгожы сабака. Ён лажыўся на траўку і чакаў якога-небудзь наедку.

Дзеці першыя пра гэта здагадаліся і, назваўшы сабаку Чарлі, пачалі падкормліваць яго. Сабака з ахвотай прымаў ласункі і адзываўся на дадзенае яму імя.

Адна з унучак гаспадара двара, Даша, вырашыла дзейнічаць. Узяла ліст тоўстай паперы, каляровыя алоўкі і напісала аб'яву: «Чорны, высокі, з белай плямай на лбе сабака, адзываецца на клічку Чарлі, шукае гаспадара». (Паводле П. Кавалёва.)

брамка — веснічкі (рус. калитка)

запар — рус. подряд

наедак — тут: ежа

Падзяліце тэкст на часткі. Складзіце і запішыце яго план.

ПРАВЕРЦЕ СЯБЕ

Адкажыце на пытанні

1. Што такое тэкст?

2. На што можа ўказваць загаловак тэксту?

3. Што такое тэма тэксту?

4. Што такое асноўная думка тэксту?

5. Што раскрывае і перадае план тэксту?

6. Як скласці план тэксту?

Творчая хвілінка

Уявіце сябе пісьменнікам. Вам трэба скласці казку, загалоўкам якой будзе наступная прыказка:

Кошка мышцы не таварыш.

Пра каго можна так сказаць? На што будзе ўказваць такі загаловак казкі: на тэму ці на асноўную думку тэксту?

Складзіце і запішыце план вашай казкі.

Прыдумайце казку і раскажыце яе аднакласнікам.

1. Тэкст — гэта некалькі сказаў, звязаных паміж сабой па сэнсе і граматычна.

2. Загаловак можа ўказваць на тэму або на асноўную думку тэксту.

3. Тэма тэксту — гэта тое, пра што або пра каго ў ім гаворыцца.

4. Асноўная думка тэксту — гэта тое галоўнае, што аўтар хацеў сказаць, да чаго прыцягнуць увагу чытачоў.

5. План тэксту раскрывае яго змест і перадае паслядоўнасць падзей або думак.

6. Каб скласці план тэксту, трэба падзяліць яго на сэнсавыя часткі, вызначыць галоўнае ў кожнай частцы і азагаловіць іх.