Номер 126, страница 79, часть 1 - гдз по белорусскому языку 4 класс учебник Свірыдзенка

126. Прачытайце тэкст. Пра што даведаўся Рыгорка з пісьма старэйшага брата? Чаму быў рады малодшы брат?

Салдацкае пісьмо

Брат Рыгоркі служыць на граніцы. Сёння хлопчык атрымаў ад яго пісьмо. Братнапісаў пра свайго сабаку Тора, з якім ён ахоўвае граніцу.

Сабака ўжо некалькі разоў дапамагаў гаспадару выканаць заданне камандзіра. Брат нават атрымаў узнагароду.

У канцы пісьма было напісана: «Я пазнаёмлю цябе з Торам, калі ты з бацькамі наведаеш мяне».

Хлопчык радаваўся пісьму, перачытваў яго раз за разам. Рыгорка ўжо чакаў гэтай сустрэчы.

Пастаўце пытанні ад выдзеленых слоў да розных форм назоўнікаў Рыгорка, пісьмо, сабака.

Выпішыце са сказаў гэтыя назоўнікі разам са словамі, ад якіх ставілі пытанні. Вызначце склон назоўнікаў.

Узор. Брат (к а г о?) Рыгоркі (Р.), ...

РМ Раскажыце пра вашых сваякоў, якія служаць або служылі ў арміі. Чаму служба ў арміі — ганаровы абавязак кожнага мужчыны?

З пісьма старэйшага брата Рыгорка даведаўся пра яго сабаку па мянушцы Тор, з якім брат ахоўвае граніцу. Сабака ўжо некалькі разоў дапамагаў выконваць заданні, і брат нават атрымаў за гэта ўзнагароду.

Малодшы брат быў рады таму, што старэйшы брат паабяцаў пазнаёміць яго з сабакам Торам, калі ён з бацькамі прыедзе ў госці.

Брат (к а г о?) Рыгоркі (Р.).

атрымаў (ш т о?) пісьмо (В.).

напісаў пра (к а г о?) сабаку (В.).

у канцы (ч а г о?) пісьма (Р.).

радаваўся (ч а м у?) пісьму (Д.).

(х т о?) Рыгорка (Н.).