Номер 31, страница 24, частка 1 - гдз по белорусскому языку 5 класс учебник частка 1 Валочка, Зелянко

31. Прачытайце два тэксты. Які з іх стварае вобразны малюнак кветкі, а ў якім даецца дакладны пералік яе характэрных прымет і ўласцівасцей?

Рамонак — род шматгадовых кветкавых раслін сямейства астравых. Найбольш вядомы від — гэта рамонак аптэчны. Суквецце складанае — паўсферычныя кошкі дыяметрам 4—20 мм аб’яднаны ў суквецце. Кошкі — з белымі язычковымі кветкамі і жоўтымі трубчастымі кветкамі дыска «Природа Беларуси».

Звычайны лекавы рамонак можна сустрэць (у/ў)сюды: на лузе, на л(е/я)сной паляне, у са(д/дз)е каля дома. Яго беласнежныя п(е/я)лёсткі так нагадваюць сонечныя праменьчыкі, сабраныя вакол аксамітнай жо(ў/ў)тай сярэ(д/дз)інкі. Моцна разгалінаваная сцяблінка рамонка (т/ц)ягнецца да сонейка, падста(ў/ў)ляючы пялёсткі-далонькі. Кветачкі ў рамонка выглядваюць з травы, нібы дапытлівыя птушаняткі з гн(е/я)зда. Асабліва прыгожыя рамонкі на світанні, калі іх (у/ў)прыгожваюць брыльянтывыя кропелькі расы (Паводле Р. Ігнаценкі).

Якія характэрныя прыметы і ўласцівасці кветкі прыводзяцца ў тэксце І? Спішыце тэкст ІІ, выбіраючы патрэбныя літары з дужак.

Назавіце словы з памяншальна-ласкальнымі суфіксамі, ужытыя ў тэксце ІІ. Якую ролю яны выконваюць?

Вобразны малюнак кветкі стварае тэкст II, а дакладны пералік яе характэрных прымет і ўласцівасцей даецца ў тэксце I.

Характэрныя прыметы і ўласцівасці кветкі, якія прыводзяцца ў тэксце I: род шматгадовых кветкавых раслін сямейства астравых; найбольш вядомы від — рамонак аптэчны; суквецце складанае — паўсферычныя кошыкі дыяметрам 4—20 мм; кошыкі з белымі язычковымі кветкамі і жоўтымі трубчастымі кветкамі дыска.

Звычайны лекавы рамонак можна сустрэць усюды: на лузе, на лясной паляне, у садзе каля дома. Яго беласнежныя пялёсткі так нагадваюць сонечныя праменьчыкі, сабраныя вакол аксамітнай жоўтай сярэдзінкі. Моцна разгалінаваная сцяблінка рамонка цягнецца да сонейка, падстаўляючы пялёсткі-далонькі. Кветачкі ў рамонка выглядаюць з травы, нібы дапытлівыя птушаняткі з гнязда. Асабліва прыгожыя рамонкі на світанні, калі іх упрыгожваюць брыльянтавыя кропелькі расы.

Словы з памяншальна-ласкальнымі суфіксамі: праменьчыкі, сярэдзінкі, сцяблінка, сонейка, далонькі, кветачкі, птушаняткі, кропелькі. Яны надаюць тэксту эмацыянальнасць, выразнасць і мастацкасць, перадаюць ласкавыя, цёплыя адносіны аўтара да кветкі.