Номер 353, страница 209 - гдз по белорусскому языку 7 класс учебник Валочка, Зелянко

353. Прачытайце тэкст. Скажыце, за што дзякавалі адзін аднаму Францішак Багушэвіч і фурман.

Выпішыце словы з не (ня), растлумачце іх правапіс.

Залатыя рублі

Выехалі на шлях. Ён нешырокі, толькі раз’ехацца двум стрэчным вазам, абапал абсаджаны дубамі. Ехалі па зялёным калідоры. Раз-пораз зрываліся з дубоў жалуды... Нямала іх валялася на дарозе, яны падалі, мокрыя, не абсохлыя ад расы, а гэта прыкмета блізкіх асенніх халадоў. Лісце на дубах яшчэ вісела моцна, не асыпалася і не пажоўкла. Сыпалася з ясеняў і ліп. Фурман* злавіў адзін такі ліст, падняў угару, паказваючы сваім седакам, а потым доўга любаваўся ім, круцячы ў пальцах.

— Прыгожа памірае дрэва, — сказаў фурман.

— Яно не памірае, а засынае на зіму, — паправіў фурмана Масальскі.

— Памірае. Яно кожны год памірае і вясной нараджаецца. А за смерць сваю лісцем, нібы залатымі рублямі, расплачваецца.

— Містыка, — сказаў, як секануў, Масальскі. — Прымітыўная містыка прасталюдзінай.

— Залатымі рублямі расплачваецца за смерць сваю, — паўтарыў Багушэвіч і дакрануўся да пляча фурмана. — Дзякуй вам.

— І вам дзякуй, — не аглядваючыся, заківаў галавой фурман. Ясеневы ліст ён схаваў у кішэню (Паводле В. Хомчанкі).

Францішак Багушэвіч дзякуе фурману за яго паэтычную думку, што дрэва «залатымі рублямі расплачваецца за смерць сваю». Фурман дзякуе Багушэвічу за разуменне і падтрымку ягоных слоў.