Номер 264, страница 158 - гдз по белорусскому языку 8 класс учебник Бадзевіч, Саматыя

264. Прачытайце тэкст. Пракаменціруйце пастаноўку знакаў прыпынку пры аднародных членах. Выпішыце 3 сказы з аднароднымі членамі, пабудуйце іх схемы.

У часы барока* лічылася, што ежа павінна не толькі насыціць, але і ўразіць гасцей сваім смакам, колерам, формай, сумяшчэннем несумяшчальнага. Спалучалі салодкае і кіслае, салодкае і горкае, кіслае і салёнае. У торт саджалі жывых птушак, якія ўзляталі ў час «вівату»1. На стол падавалі цэлых дзікоў, напоўненых унутры каўбасамі, індыкамі, курапаткамі, або доўгіх шчупакоў, «засмажаных у галаве, звараных у сярэдзіне і печаных у хвасце».

Традыцыйнай сенсацыяй застолля быў «цэлы» каплунII, засаджаны ў «бутэлік» (для гэтага з каплуна здымалі скуру, запіхвалі ў бутэльку, напаўнялі праз лейку малаком і яечнымі жаўткамі, а потым усё разам варылі ў кіпені). Рыбу фаршыравалі свінінай, свіней — індычынай, індыкоў — рыбай.

Птаству, піша Кітовіч, «выкрыўлялі дзівачна ногі, крылы, галовы, рабілі фігуры, да стварэння Божага непадобныя, і такія стравы лічыліся самымі моднымі і густоўнымі» (А. Мальдзіс. «Беларусь у люстэрку мемуарнай літаратуры XVIII стагоддзя» ).

@ Падзяліцеся сакрэтамі ўпрыгожвання святочнага стала ў вашай сям’і. Зрабіце паведамленне на тэму «Наш святочны навагодні стол», ужываючы сказы з аднароднымі членамі. Запішыце тэкст паведамлення.

• Растлумачце, чаму ў тэксце некаторыя словы, словазлучэнні і часткі сказа ўзяты ў двукоссе.

У часы барока* лічылася, што ежа павінна не толькі насыціць, але і ўразіць гасцей сваім смакам, колерам, формай, сумяшчэннем несумяшчальнага.

Схемы: [не толькі О, але і О], [О, О, О, О].

Спалучалі салодкае і кіслае, салодкае і горкае, кіслае і салёнае.

Схема: [О і О, О і О, О і О].

...для гэтага з каплуна здымалі скуру, запіхвалі ў бутэльку, напаўнялі праз лейку малаком і яечнымі жаўткамі, а потым усё разам варылі ў кіпені).

Схема: [О, О, О, а потым О].

Некаторыя словы, словазлучэнні і часткі сказа ў тэксце ўзяты ў двукоссе, таму што яны з'яўляюцца:

«вівату» — словам, ужытым у незвычайным, пераносным значэнні.

«засмажаных у галаве, звараных у сярэдзіне і печаных у хвасце» — цытатай, якая дакладна перадае апісанне.

«цэлы», «бутлік» — словамі, ужытымі ва ўмоўным значэнні (каплун быў не суцэльны, а «бутлік» — умоўная назва).

«выкрыўлялі дзівачна ногі... моднымі і густоўнымі» — прамой цытатай з твора іншага аўтара (Я. Кітовіча).

«Беларусь у люстэрку мемуарнай літаратуры XVIII стагоддзя» — назвай кнігі, з якой узяты ўрывак.