Номер 14, страница 13 - гдз по белорусскому языку 7 класс учебник Валочка, Зелянко

14. Прачытайце тэкст услых, захоўваючы патрэбную інтанацыю. Вызначце яго стыль і тып, назавіце структурныя часткі.

Варта ад’ехацца

За што мы, людзі, любім далёкія дарогі?

На гэтых дарогах мы, безумоўна, шмат знаходзім: не бачаныя нідзе раней дрэвы і кветкі, не чутыя раней галасы звяроў і птушак, нанава адкрываем для сябе старую зямлю, старое сонца, старыя зоры на небе, знаходзім новыя для сябе гарады і новых сяброў.

Але ж любая знаходка мае толькі тады нейкі сэнс, калі яна, далёкая, дапаможа зразумець, паўней адчуць самае для сябе блізкае і самае дарагое, калі ў чужым па-новаму пачынаеш разумець і цаніць сваё, кроўнае.

Так, варта ад’ехацца далей ад свайго мілага кута. Ад’ехацца хоць дзеля таго, каб здалёк зірнуць на саміх сябе, на сваё добрае і благое (В. Карамазаў).

Сфармулюйце думку, якую сцвярджае аўтар. З дапамогай якога вобраза ён раскрывае гэту думку ў тэксце?

Прывядзіце прыклады антонімаў, ужытых у тэксце.

Назавіце слова з тэксту, да якога словы дрэнны, кепскі з’яўляюцца сінонімамі.

Стыль тэксту — публіцыстычны. Тып — разважанне.

Структурныя часткі:

Тэзіс: За што мы, людзі, любім далёкія дарогі?

Доказы: разважанні аўтара пра тое, што чалавек знаходзіць у падарожжах і як яны дапамагаюць зразумець самога сябе і сваю радзіму.

Вывад: Так, варта ад’ехацца далей ад свайго мілага кута. Ад’ехацца хоць дзеля таго, каб здалёк зірнуць на саміх сябе, на сваё добрае і благое.

Аўтар сцвярджае, што вандроўкі ў далёкія краі патрэбны чалавеку, каб на адлегласці зірнуць на самога сябе і сваё жыццё, лепш зразумець і ацаніць тое, што з’яўляецца блізкім і дарагім. Гэту думку аўтар раскрывае праз вобраз дарогі.

Прыклады антонімаў: далёкія — блізкае, старую (старое) — новыя, чужым — сваё.

Слова з тэксту, да якога словы дрэнны, кепскі з’яўляюцца сінонімамі — благое.