Номер 206, страница 115 - гдз по белорусскому языку 7 класс учебник Валочка, Зелянко

206. Прачытайце тэкст, знайдзіце ў ім выраз, які перадае асноўную думку. Вызначце тэму тэксту. Што перадае загаловак: тэму ці асноўную думку?

Родная зямля

Любоў да Радзімы ў чалавека асабліва яскрава праяўляецца тады, калі ён разлучыцца з ёй. Але чалавек здольны хаваць свае пачуцці. А вось у птушак усё гэта навідавоку.

Возьмем усім нам знаёмых жораваў. На радзіме яны, апрача глухога балота, нічога, бадай, за сямейнымі клопатамі не бачаць. У далёкіх жа краях птушак чакаюць багаты корм, залітыя сонцам берагі маляўнічых рэк і азёр. І ўсё ж восенню пакідаюць жоравы радзіму вельмі неахвотна.

Паволі пралятаючы над вёскамі і пустымі палямі яны раз-пораз падаюць свае сумныя галасы — цяжка з роднай зямлёй развітвацца. А то не ўтрымаўшыся парушаць свой падарожны строй і закружацца на месцы ўглядаючыся з вышыні ў мілыя сэрцу краявід⁴. Потым сяк-так зноў выстраяцца і сумна курлычучы пацягнуць удалячынь.

Неахвотна пакідаюць родную зямлю не адны жоравы. Гэта ўласціва ўсім птушкам (Р. Ігнаценка).

Спішыце абзац, які адпавядае малюнку. Пастаўце прапушчаныя знакі прыпынку, падкрэсліце дзеепрыслоўныя звароты як члены сказа. Над дзеепрыслоўямі незакончанага трывання напішыце літару н, закончанага трывання — літару з.

Выраз, які перадае асноўную думку: «цяжка з роднай зямлёй развітвацца».

Тэма тэксту: любоў да роднай зямлі, туга па Радзіме.

Загаловак «Родная зямля» перадае тэму тэксту.

Паволі пралятаючы(н) над вёскамі і пустымі палямі, яны раз-пораз падаюць свае сумныя галасы — цяжка з роднай зямлёй развітвацца. А то, не ўтрымаўшыся(з), парушаць свой падарожны строй і закружацца на месцы, ўглядаючыся(н) з вышыні ў мілыя сэрцу краявіды. Потым сяк-так зноў выстраяцца і, сумнa курлычучы(н), пацягнуць удалячынь.