Номер 24, страница 16, часть 1 - гдз по белорусскому языку 4 класс учебник Свірыдзенка

24. Прачытайце. Дакажыце, што вы прачыталі тэкст.

Каштаны каля школы

Увосень на сумнай пустцы побач са школай дзеці пасадзілі каштаны. Саджанцы маладыя і тонкія, таму ўсю зіму дзеці перажывалі, ці не змерзнуць яны, ці прымуцца. I ўявіце сабе: вясной на ўсіх шасці дрэўцах з'явіліся вялікія радасна-зялёныя лісточкі. Усе каштаны прыняліся! Пустка, дакладней, былая пустка стала вельмі ўтульным і вясёлым месцейкам.

(Г. Пшонiк.)

A пустка — пусты ўчастак зямлі

На што ўказвае загаловак тэксту: на тэму ці на асноўную думку?

Якія словы паўтараюцца ў тэксце? Прачытайце сказы са словамі дзеці, каштаны. Якія словы выкарыстоўваюцца замест слова каштаны ў другім і трэцім сказах?

Які прыметнік спалучаецца са словам пустка ў першым сказе? Як названа была пустка ў апошнім сказе? Выпішыце з тэксту антонімы.

Выпішыце з тэксту спачатку дзеясловы ў форме прошлага часу, потым — у форме будучага часу.

Якіх дзеясловаў больш?

?! Што дапамагае звязаць сказы ў тэксце?

Загаловак тэксту ўказвае на тэму.

У тэксце паўтараюцца словы дзеці, каштаны, пустка. Замест слова каштаны ў другім і трэцім сказах выкарыстоўваюцца словы саджанцы, яны, дрэўцах.

Са словам пустка ў першым сказе спалучаецца прыметнік сумнай. Былая пустка ў апошнім сказе названа ўтульным і вясёлым месцейкам. Антонімы: сумнай — вясёлым.

Дзеясловы прошлага часу: пасадзілі, перажывалі, з’явіліся, прыняліся, стала. Дзеясловы будучага часу: не змерзнуць, прымуцца. Дзеясловаў прошлага часу больш.

Звязаць сказы ў тэксце дапамагаюць паўтор слоў, выкарыстанне займеннікаў і сінонімаў.