Номер 25, страница 17, часть 1 - гдз по белорусскому языку 4 класс учебник Свірыдзенка

25. Прачытайце тэкст. Як хлопчык дапамагаў бацьку? Як дрэвы дзякавалі яму?

Самыя смачныя яблыкі

Каля хаты Антося быў невялікі сад. Тут раслі яблыні розных гатункаў. Сын ахвотна дапамагаў бацьку даглядаць сад. Хлопчык паліваў і падкормліваў дрэвы.

Яблыні адчувалі дабро і ласку людзей. Яны працягвалі да Антося галінкі з лепшымі пладамі. Першай частавала хлопчыка невысокая разгалістая яблыня. Антось зрываў некалькі яблыкаў, з’ядаў іх пад дрэвам. Тут плады здаваліся яму больш смачнымі. (Паводле П. Саковіча.)

А гатýнак — сорт, разнавіднасць

разгалíстая — з шырока раскінутымі галінамі

Прачытайце сказы, у якіх сустракаюцца словы Антось, сад, яблыні. Якія словы выкарыстоўваюцца замест іх у іншых сказах?

Назавіце аднакаранёвыя словы ў тэксце. Якое слова ўжываецца замест слова яблыкі ў апошнім сказе?

На колькі частак можна падзяліць тэкст? Пра што ідзе размова ў кожнай частцы?

Прачытайце план. Ці адпавядае паслядоўнасць пунктаў плана паслядоўнасці частак у тэксце? Як яе трэба змяніць?

План

1. Пачастунак ад разгалістай яблыні.

2. Падзяка яблынь.

3. Юны садоўнік.

Запішыце выпраўлены план. Спішыце тую частку тэксту, да якой прапанаваны малюнак. Падкрэсліце ў сказах дзеясловы прошлага часу.

Хлопчык дапамагаў бацьку даглядаць сад: ён паліваў і падкормліваў дрэвы. Дрэвы дзякавалі яму, працягваючы да Антося галінкі з лепшымі пладамі.

Замест слова Антось выкарыстоўваюцца словы сын, хлопчык, яму. Замест слова сад — тут. Замест слова яблыні — дрэвы, яны.

Аднакаранёвыя словы ў тэксце: яблыні, яблыня, яблыкаў. Замест слова яблыкі ў апошнім сказе ўжываецца слова плады.

Тэкст можна падзяліць на 3 часткі. У першай частцы ідзе размова пра тое, як хлопчык даглядаў сад. У другой — пра падзяку дрэў. У трэцяй — пра пачастунак ад яблыні.

Паслядоўнасць пунктаў плана не адпавядае паслядоўнасці частак у тэксце. Яе трэба змяніць.

План

1. Юны садоўнік.

2. Падзяка яблынь.

3. Пачастунак ад разгалістай яблыні.

Каля хаты Антося быў невялікі сад. Тут раслі яблыні розных гатункаў. Сын ахвотна дапамагаў бацьку даглядаць сад. Хлопчык паліваў і падкормліваў дрэвы.