Номер 29, страница 20, часть 1 - гдз по белорусскому языку 4 класс учебник Свірыдзенка

29. Прачытайце тэксты. Якая тэма іх аб'ядноўвае?

Жоўцік

Раніцай Жоўцік выйшаў з маці на прагулку. Ён з захапленнем агледзеў двор, пабег па дарожцы. Маці знайшла смачнае зярнятка і паклікала сваё куранятка.

Раптам у двор ускочыў вялікі кот. Жоўцік спалохаўся. Курыца адразу ж прыўзняла крыло. Жоўцік падбег да маці, прытуліўся да яе і супакоіўся. Потым ён соладка зажмурыўся і заснуў. (Паводле П. Саковіча.)

Сонечным днём

Быў сонечны дзень. Па вуліцы ішла мама з маленькай дачушкай. Яны былі ў аднолькавых па расфарбоўцы сукенках: бляюсткіх як першы снег, з сінімі кветкамі васількамі. Мама трымала дачушку за руку. Дзяўчынка з цікавасцю глядзела ва ўсе бакі, уверх і ўніз. (Паводле І. Муравейкі.)

Самы дарагі чалавек

Самы дарагі чалавек для кожнага дзіцяці — яго матуля.

Мама заўсёды прыйдзе на дапамогу і падтрымае ў цяжкую хвіліну. Яна ўсё зразумее і дасць карысную параду. Маці даруе дзіцяці любую крыўду і аддасць усё самае лепшае.

Матулю трэба берагчы! Яна так клапоціцца пра нас, што часам забываецца пра сябе. Не трэба прычыняць ёй лішніх клопатаў.

У якім тэксце:

• расказваецца пра падзеі, што адбываюцца з маці і яе дзіцем;
• апісваюцца маці і дзіця;
• даказваецца вялікая роля маці ў жыцці дзіцяці?

Зместу якога тэксту адпавядае некалькі малюнкаў? Змест якога тэксту адлюстраваны на адным малюнку? [?!] Чаму складана перадаць на малюнку змест трэцяга тэксту?

[?!] Які з тэкстаў з'яўляецца апісаннем, які — апавяданнем, а які — разважаннем?

Тэксты аб’ядноўвае тэма маці, мацярынскай любові і клопату.

• У тэксце «Жоўцік» расказваецца пра падзеі, што адбываюцца з маці і яе дзіцем.

• У тэксце «Сонечным днём» апісваюцца маці і дзіця.

• У тэксце «Самы дарагі чалавек» даказваецца вялікая роля маці ў жыцці дзіцяці.

Зместу тэксту «Жоўцік» адпавядае некалькі малюнкаў.

Змест тэксту «Сонечным днём» адлюстраваны на адным малюнку.

Складана перадаць на малюнку змест трэцяга тэксту, таму што гэта тэкст-разважанне. У ім гаворыцца пра пачуцці і адносіны, якія цяжка адлюстраваць візуальна.

Тэкст «Жоўцік» з’яўляецца апавяданнем, тэкст «Сонечным днём» — апісаннем, а тэкст «Самы дарагі чалавек» — разважаннем.