Номер 109, страница 67, частка 1 - гдз по белорусскому языку 5 класс учебник частка 1 Валочка, Зелянко

109. Прачытайце тэксты. У якім з тэкстаў расказваецца пра падзеі, што адбываюцца паслядоўна? У якім з іх апісваюцца прыметы і ўласцівасці прадмета? У якім прыводзіцца разважанне, абгрунтаванае пэўнай думкі?

I. Звярок спусціўся з дрэва і пайшоў па вільготнай траве ўніз да ручая. Вось ён падышоў да вады, апусціў пярэднія лапкі ў ваду, схапіў, нібы рукамі, ракавінку, раскрыў створкі, выцягнуў малюска, агледзеў яго, па-паласкаў у вадзе і толькі тады з'еў. Звярок гэты — амерыканскі янот, далёкі заморскі госць на Беларусі (Паводле В. Вольскага).

II. Янот-паласкун (або амерыканскі янот) ростам з сабаку сярэдняй велічыні. Цела ў яго каржакаватае* з вельмі пышным паласатым хвастом. Лапы кароткія, з настолькі развітымі пальцамі, што сляды нагадваюць адбітак чалавечай далоні. Футра густое, карычнева-шэрае. На мордачцы характэрная маска — чорная з белымі палоскамі. На хвасце 5-10 шырокіх чорных або бурых «кольцаў» («Прырода Беларусі»).

III. Лічыцца, што янот-паласкун мае такую назву ад звычкі паласкаць ежу перад тым, як яе з'есці. Сапраўды, злавіўшы якую-небудзь здабычу, янот спяшаецца да вады, дзе пачынае яе як бы паласкаць, і толькі затым з'ядае. Аднак гэта меркаванне пра янота як выключнага чысцёху моцна перабольшана. У вадзе ён здабычу не мые, а хутка абмацвае лапкамі, як бы вызначаючы яе памеры і магчымасць ужыць у ежу. Як бы там ні было, але такія паводзіны янота яшчэ да канца не разгаданы (Паводле І. Сяржаніна).

1. У тэксце I расказваецца пра падзеі, што адбываюцца паслядоўна.

2. У тэксце II апісваюцца прыметы і ўласцівасці прадмета.

3. У тэксце III прыводзіцца разважанне, абгрунтаванне пэўнай думкі.